LEKTİON 10 – die Präposition
Azərbaycan dilindən fərqli olaraq alman dilində rus, ingilis və sair dillərdə olduğu kimi “önlüklər” mövcuddur. “Önlüklər” isimlərin önündə yazılır, bundan sonra artikl lazım olan halda, daha sonra isə ismin özü gəlir. “Önlük” sözü də məhz buradan yaranır.
“Önlüklər” mütləq özlərindən sonra müəyyən 1 hal, və ya eyni zamanda 2 hal tələb edirlər. Deməli, ismin önündə/əvvəlində önlük yazılırsa isim “Nominativ” /“Adlıq” halda ola bilməz. “Önlüklər” aşağıdakı halı və ya halları tələb edirlər.
1. Dativ
2. Akkusativ
3. Dativ və Akkusativ
4. Genitiv
Bu xüsusiyyətlərinə görə də önlüklərə
1. Dativ hal tələb edən
2. Akkusativ hal tələb edən
3. Dativ və Akkusativ hal tələb edən
4. Genitiv hal tələb edən önlüklər deyirlər
İndi isə həmin önlüklər haqqında daha geniş və ətraflı məlumat almaq üçün ardıcıl olaraq növbəti dərslərimizə keçid alaq.
MƏNBƏ: www.deutsch.az