Təsirli və təsirsiz fellər

Hərəkətin obyektə olan münasibətinə görə fellər iki qrupa bölünür: təsirli fellər, təsirsiz fellər.

Təsirli fellər özündən asılı olan sözün ismin təsirlik halında işlənməsini tələb edir. Məsələn:

• oxumaq – nəyi? nə?
• görmək— kimi? nəyi? haranı?
• sevmək – kimi? nəyi?
• axtarmaq – kimi? nəyi? haranı?
• yemək- nəyi? nə?

Təsirsiz fellər özündən asılı olan sözün ismin təsirlik halında işlənməsini tələb etmir. Məsələn:

• baxmaq – nəyə? kimə? haraya?
• gəlmək — haraya? haradan?
• getmək – haraya?
• oturmaq – harada?
• durmaq – harada?

Çoxmənalı və omonim fellər bir mənada təsirli, digər mənada isə təsirsiz ola bilir. Məsələn:

• oxumaq – «təhsil almaq» mənasında təsirsiz (Bakıda oxumaq), «mütaliə etmək» və «ifa etmək» mənalarında təsirlidir (kitab oxumaq, muğamat oxumaq).

Təsirli və təsirsiz fellər şəkilçilər qəbul etməklə bir- birinə çevrilə bilir.

-ıt⁴, -ır⁴, -dır⁴, -ar, -t şəkilçilərinin köməyi ilə təsirsiz fellərdən təsirli fellər düzəltmək olur. Məsələn:

-ıl⁴, -ın⁴, -n şəkilçilərinin köməyi ilə bəzi təsirli fellər təsirsiz fellərə çevrilə bilir. Məsələn:

Bu şəkilçilər feldən fel düzəldən leksik şəkilçilər hesab olunur.