- Language Mag - https://language.az -

Ingilis dilini özüm necə öyrənə bilərəm?

Ingilis dilini özüm necə öyrənə bilərəm? 

Düzgün fəaliyyət olmadan ingilis dilini təkbaşına öyrənmək cansıxıcı ola bilər. Ancaq siz yalnız çox asan fəaliyyətlər seçərək darıxdıra bilərsiniz. Bununla belə, dili öyrənməyi çətinləşdirən, təsirli və əyləncəli edən çoxlu fəaliyyətlər də var!

İngilis dilini özün öyrənmək üçün ən populyar fəaliyyətlər

“DillBill” istifadəçiləri ilə onlayn tyütor ilə məşğul olmaqdan başqa, ən çox vaxt keçirdikləri ingilis dili öyrənmə fəaliyyətləri üzrə sorğu apardıq. Nəticələr göstərdi ki, öyrəncilərin 99,2%-i “DillBill” dərslərindən əlavə dil bacarıqlarını inkişaf etdirmək üçün başqa fəaliyyətlər də məşğul olur.

Sorğunun nəticələri ən məşhur fəaliyətlər ön sırada olmaqla aşağıdakı kimidir:

  1. İngilis dilində kino və ya TV filmlər izləmək – 77.2%
  2. İngilis dilində onlayn məqalə və xəbərlər oxumaq – 73.2%
  3. İngilis dilində musiqi dinləmək – 58.5%
  4. YouTube videolarını izləmək – 53.7%
  5. İngilis dilində podkastlar dinləmək – 52.8%
  6. İngilis dilində başqaları ilə ünsiyyət qurmaq – 48.0%
  7. İngilis dilində kitablar oxumaq – 47.2%
  8. Dil öyrənmə tətbiqlərindən istifadə etmək – 22.0%
  9. Digər ingilis dili kursları keçmək – 20.3%
  10. Bunlardan heç biri – 0.08%

DillBill” istifadəçilərinin əksəriyyəti biliklərini inkişaf etdirmək üçün ingilis dilində çoxlu media və əyləncədən istifadə edir. Netflix həmişəkindən daha populyardır, buna görə ən çox məşğul olunan fəaliyyətin “İngilis dilində film və ya TV şoulara baxmaq” olduğunu başa düşmək anlaşılandır. “DillBill” istifadəçilərinin 77.2%-i ingilis dilində TV və ya film izlədiklərini bildirmişdir.

Sorğumuza əsaslanaraq ingilis dilini öyrənmək üçün ən populyar beş fəaliyyətə və onları müvəffəqiyyətli öyrənmə vasitələrinə çevirmək üçün bəzi ipuclarına göz ataq.

1. Filmlərə və ya TV şoulara baxmaq

Film və TV şoulara baxmaq dil öyrənməyin ən əyləncəli və rahat yollarından biridir. Lakin TV vaxtınızı aktiv dil öyrənmə təcrübəsinə çevirmək üçün bir neçə üsul var.

Biliklərinizi inkişaf etdirməyin bir yolu filmlərdə altyazıların ingilis dilində olmasıdır. Lakin çətinlik çəkirsinizsə, əvvəlcə ana dilinizdə altyazıları olan filmə baxa, sonra ingilis altyazıları ilə filmi yenidən izləyə bilərsiniz. Bu şəkildə, dilə diqqət yetirməzdən əvvəl hekayəni və konteksti anlamış olursunuz.

Netflix Chrome ilə dil öyrənməsindən də istifadə edə bilərsiniz. Bu vasitə ilə həm ana dilinizdə, həm də ingilis dilində altyazıları eyni anda oxuya bilərsiniz. Sonra filmi dayandıra və Quizlet kimi bir fləşkard tətbiqinə yeni sözlər əlavə edərək bu sözləri və ifadələri daha sonra təkrarlamaq imkanı əldə edirsiniz.

Netflix filmləri ilə də tələffüzünüzü inkişaf etdirə biləcəyinizi bilirdinizmi? Filmdən bir cümlə yazmağa çalışın və sonra onu özünüz tələffüz edərək qeyd edin. Orijinal səsi dinləyin və müqayisə edərək tələffüzünüzün harada təkmilləşməyə ehtiyacı olduğunu aşkar edin.

2. Onlayn məqalələr oxumaq

İngilis dili internetdə ən çox üstünlük təşkil edən dildir – seçmək üçün bir sıra məqalə, forum və bloq var. İstəsəniz, oxu bacarıqlarınızı hər gün yeni materialla inkişaf etdirə bilərsiniz.

Maraq dairənizdə olan qısa ingilis dilli mətnləri əldə etməyin əla yolu xəbər bülletenləridir. “Letterlist”, “Substack”də və ya sadəcə olaraq Google “Ən yaxşı [mövzu] bülleteni”ndə bəzi gözəl xəbərlər tapa bilərsiniz.

Bundan başqa telefonunuzu və axtarış parametrlərini ingilis dilinə çevirərək hər Google axtarışınızı da bu dildə edə bilərsiniz. Bu yolla nə axtarsanız da ingilis dilində oxu bacarıqlarınızı inkişaf etdirəcəksiniz.

3. İngilis dilində musiqi dinləmək

Musiqi dinləmək həyatımızda ən böyük əyləncələrdən biridir. İstər pop, istər xalq, istərsə də hevi metal tərzində musiqini birlikdə oxumaq üçün ingilis dilində hər zaman bir melodiya olacaq.

İngilis dili öyrənciləri şanslıdırlar, çünki indiyə qədər ifa edən əfsanəvi sənətkarlardan olan Elvis Presli, Bitlz və ya Biyons da məhz bu dildə mahnılar ifa etmişlər. Mahnı sözləri öyrənmək onu dinləyərkən həzz alaraq yeni sözlər mənimsəmək üçün əla bir yoldur. Daha çox inkişaf etmək istəyirsinizsə, Eminem və ya Kendrik Lamar kimi hip-hop sənətçilərini izləməyə çalışın. Amma musiqi sözlərini daha çox araşdırmağa da hazır olun!

İngilis dilini musiqi vasitəsilə öyrənmək üçün tətbiqlərdən də istifadə edə bilərsiniz. Məsələn, Lyricstraining tətbiqindən istifadə edərkən musiqini dinləyib tapşırıqdakı cümlələrdə olan boşluqları tamamlamalısınız.

Nəhayət, tanınmış Youtuber və ingilis dili müəllimi kanadalı Bobdan dil öyrənmək üçün musiqidən istifadə ilə bağlı mütəxəssis rəyi aldıq. O bildirdi: “Mahnıların mətnlərini çap edib oxumalısınız. Əks təqdirdə, mahnıya qulaq assanız da nə haqqında oxunduğunu anlamayacaqsınız. Bəzən mənim kimi ana dilində danışanlar da əvvəlcə musiqinin sözlərini oxumalı olurlar!”

4. Youtube videolarını izləmək

Youtube dünyanın ən sevimli əyləncə mənbələrindən biridir. Saatlarla videolara baxa bilərsiniz. Buna görə də izləyərkən ingilis dilini öyrənməkdən daha yaxşı vaxt yoxdur.

Youtube tətbiqinin parametrlərində dilinizi ingilis dilinə, yerləşdiyiniz yeri ABŞ-a çevirin və hər gün yüzlərlə ingilis dilində yeni mətnlər tapacaqsınız. Youtube vasitəsilə ingilis dilində əyləncə axtarırsınızsa, tətbiqin ən məşhur kanallarından bir neçəsinə abunə olun: TED danışıqlarının və hekayələrinin bu qədər çox abunəçiyə sahib olmasının səbəbi var. Bonus ipucu: daha yaxşı başa düşmək və yeni sözlər öyrənmək üçün altyazıları açın.

Bununla yanaşı, sizin kimi ingilis dilini öyrənənlərə kömək etmək üçün kanallar yaradan Youtuberlər də tapa bilərsiniz. İngilis dilini öyrənmək üçün ən yaxşı 10 Youtube kanalına nəzər salın. Kanadalı Bobdan yuxarıda bəhs etdik, çünki onun ingilis dilindəki məsləhətləri və canlı dərsləri sevilir! Kanadalı Bobun ingilis dilini sürətli öyrənmək üçün ən yaxşı məsləhətlərini açıqladığı müsahibəsinə baxın.

5. Podkastları dinləmək

Podkastlar hər il daha çox populyarlaşır və bunun səbəbini anlamaq asandır. İngilis dilində dinləmə bacarıqlarınızı inkişaf etdirərkən müxtəlif işlərinizi həyata keçirirsiniz. Məsələn, ictimai nəqliyyata minə, evi təmizləyə və ya qaça bilərsiniz. Qazanırsınız!

Eyni zamanda podkastların köməyi ilə ingilis dilinizi inkişaf etdirməyin daha aktiv yolları var. Podkastı yavaşlada və yeni söz ehtiyatlarına dair qeydlər edə bilərsiniz. İngilis dilində səslər və ritmləri yaxından dinləyə, podkastla birlikdə təkrarlaya, habelə tanımadığınız söz və ya ifadələri saxlayıb qeyd edə bilərsiniz.

Xüsusi lüğət öyrənmənizə kömək etmək üçün yüzlərlə mövzuda bir çox podkast tapa bilərsiniz. Aşağıda bir neçə nümunə var:

• Hekayə üzrə: S-Town. Alabamada bir cinayət haqqında sirli bir audio serial

• Elm üzrə: Science Friday. Ən son elmi xəbərlər haqqında həftəlik podkast

• Psixologiya üzrə: Hidden Brain. Beynimizin necə işlədiyini və insan davranışını araşdırır.

• Biznes üzrə: How I Built This. Dünyaca məşhur sahibkarlar şirkətlərini necə yaratdıqlarını izah edirlər.

• Özünü inkişaf etdirmək üzrə: The Tim Ferriss Show. Tim Ferris taktikalarını, rutinlərini anlamaq üçün həyatın bütün sahələrindən olan dünya səviyyəli ifaçılardan müsahibə alır.

“Output” bacarıqlarından istifadə edərək bu fəaliyyətləri daha faydalı hala gətirin.

Dil öyrənmək bizdən dörd əsas bacarıq tələb edir: oxuma və dinləmə “input” (giriş) kateqoriyalarına aiddir, çünki dili ağlınıza gətirirsiniz. Danışma və yazma “output” (çıxış) kateqoriyasına aiddir, çünki başa düşdüyünüz hər şeyi əks etdirirsiniz.

Sorğumuzdan ingilis dilini özünüz öyrənmək üçün ən populyar fəaliyyətlərin “input” bacarıqlarına əsaslandığını gördük. Yeni söz ehtiyatını artırmaq üçün “output” bacarıqlarınızı – yazma və danışmanızı inkişaf etdirməlisiniz.

Yazı bacarıqlarınızı inkişaf etdirin.

Mükəmməlliyə üstünlük verirsinizsə, uzun müddət ingilis dilini öyrənməyincə danışmağa hazır ola bilməyəcəksiniz. Rahat olduğunuz anda danışmağa başlamalısınız, ancaq danışmağa zehni olaraq hazırlaşmağın ən gözəl yolu əvvəlcə yazmağa başlamaqdır.

Əvvəlcə dil gündəliyi yazın. Bu gündəlikdə öyrəndiyiniz yeni söz və ifadələri əks etdirə bilərsiniz ki, onları kontekstdə necə istifadə edəcəyinizi öyrənəsiniz. Bunun faydası ondan ibarətdir ki, ingilis dili öyrəncisi kimi gününüz, çətinlikləriniz və hədəfləriniz də daxil olmaqla danışacağınız mövzular haqqında yazacaqsınız. Daha yaradıcı olmaq istəyirsinizsə, hətta kiçik bir hekayə və ya şeir yazmağa cəhd etməlisiniz.

Yazılarınız mükəmməl olmaya bilər və bir neçə dəfə Google Tərcümə tətbiqindən istifadə etməli ola bilərsiniz. Əsas odur ki, özünə inam artır. Yazı ilə özünüzə inamını artırdıqca danışmağa da keçə bilərsiniz.

Danışıq bacarıqlarınızı inkişaf etdirin.

DillBill” istifadəçiləri ilə başqa bir sorğu da keçirdik (nəticələr aşağıda əks olunub): “Qısa müddətli hədəfləriniz nələrdir?”. İngilis dili öyrənənlər üçün “danışmağın” ən ali hədəflərdən biri olduğunu gördük. Bununla belə, “İngilis dilində başqaları ilə danışmaq” dil fəaliyyətlər siyahımızın ilk beşliyində belə deyil. Nəticələr:

  1. Lüğət – 24.1%
  2. Danışma – 20.7%
  3. Dinləmə – 14.9%
  4. Qrammatika – 9.2%
  5. Oxuma – 6.9%
  6. Yazma – 2.3%
  7. Digər – 21.8%

Bu, bütün müstəqil dil öyrəncilərinin özlərinə verməli olduqları vacib bir sualı ortaya çıxarır: “Danışmaqla məşğul olmasanız, nailiyyətə necə nail ola bilərsiniz?”.

Tez bir zamanda yeni bir dil öyrənmək üçün əsas qayda bu dildə sizdən daha yaxşı olan insanlarla saatlarla ünsiyyət qurmağınızdır. Bir dil öyrənmək üçün nə qədər oxumağınız, tətbiqlərdən istifadə etməyiniz və ya Netflix filmlərinə baxmağınızdan asılı olmayaraq, bir saatlıq ünsiyyət müqayisədə olduqca effektlidir. Düşünün … heç kim “İngiliscə oxuyursan” və ya “İngilis dilinə qulaq asırsan” deyə soruşmur – həmişə “İngiliscə danışırsan” deyə soruşurlar!

Balanslaşdırılmış dil öyrənmə planı yaradın.

İnkişaf üçün öyrənmə vaxtınızı ciddiyə almalısınız. Cədvəl qurmaq (və ona əməl etmək) nizam -intizamlı olmaq və irəliləyiş əldə etmək üçün ən yaxşı yoldur.

Öyrənmə planınızı daha təsirli etmək üçün bərabər sayda “output” və “input” tapşırıqlarını yerinə yetirdiyinizdən əmin olun. Məsələn, həftəlik cədvəlinizə “podkastları dinləmək” və “dil tətbiqindən istifadə etmək” kimi tapşırıqlar əlavə edə bilərsiniz. Ancaq tamamilə hədəf dildə yazılmış bir jurnalda öyrəndiyiniz yeni lüğətdən istifadə edə bilərsinizmi? Dil mübadiləsi tətbiqindən istifadə edərək kimləsə ünsiyyət qura bilərsinizmi? Balanslaşdırılmış cədvəl yaratmaqla bütün əsas dil bacarıqlarınızı daha da gücləndirəcəksiniz.

Dil öyrənməyi daha səmərəli etməyin vaxtıdır.

Bu yazıda göstərdiyimiz kimi film izləmək, xəbər oxumaq və podkast dinləmək kimi dil fəaliyyətləri ingilis dilini özünüz öyrənmək üçün faydalı ola bilər. Ancaq dil öyrənməyi əyləncəli etmək üçün balanslaşdırılmış fəaliyyət qarışığı yaratmalısınız!

Dilləri ən effektiv şəkildə öyrənmək üçün bunları etməlisiniz:

  • Özünüzü cəlb edin: İngilis dilində mümkün qədər tez əlaqə qurmaq üçün filmlər, podkastlar və xəbərlər kimi zövq aldığınız mediadan istifadə edin.
  • Bu fəaliyyətləri faydalı hala gətirin: Texnika və doğru mənbələr ilə bu öyrənmə vaxtını daha təsirli etmək üçün yollar tapın.
  • Plan qurun: Bu tapşırıqları həftəlik cədvəlinizə əlavə edin ki, məsuliyyətli olasınız  və irəliləyiş əldə etdiyinizi hiss edəsiniz.
  • “Output” tapşırıqlarından istifadə edin: Öyrəndiyiniz hər şeyi yazın və danışın! Bir jurnal yazmağa başlayın və sonra ən əsası dil mübadiləsi tətbiqləri və ya təcrübəli dil tyütoru ilə ünsiyyət qurun.

Bütün bunlardan birlikdə istifadə edin və sürətli şəkildə dil öyrənin.

Əgər mətndə orfoqrafik səhv aşkar etmisinizsə, o zaman Ctrl+Enter düymələrini sıxaraq bizə göndərin.

3.7/5 - (3 votes)