Hərəkətin obyektə olan münasibətinə görə fellər iki qrupa bölünür: təsirli fellər, təsirsiz fellər.
Təsirli fellər özündən asılı olan sözün ismin təsirlik halında işlənməsini tələb edir. Məsələn:
- oxumaq – nəyi? nə?
- görmək— kimi? nəyi? haranı?
- sevmək – kimi? nəyi?
- axtarmaq – kimi? nəyi? haranı?
- yemək- nəyi? nə?
Təsirsiz fellər özündən asılı olan sözün ismin təsirlik halında işlənməsini tələb etmir. Məsələn:
- baxmaq – nəyə? kimə? haraya?
- gəlmək — haraya? haradan?
- getmək – haraya?
- oturmaq – harada?
- durmaq – harada?
Çoxmənalı və omonim fellər bir mənada təsirli, digər mənada isə təsirsiz ola bilir. Məsələn:
- oxumaq – «təhsil almaq» mənasında təsirsiz (Bakıda oxumaq), «mütaliə etmək» və «ifa etmək» mənalarında təsirlidir (kitab oxumaq, muğamat oxumaq).
Təsirli və təsirsiz fellər şəkilçilər qəbul etməklə bir- birinə çevrilə bilir.
-ıt4, -ır4, -dır4, -ar, -t şəkilçilərinin köməyi ilə təsirsiz fellərdən təsirli fellər düzəltmək olur. Məsələn:
| Təsirsiz | Təsirli |
| qorxmaq | qorxutmaq |
| hürkmək | hürkütmək |
| köçmək | köçürmək |
| qaçmaq | qaçırmaq |
| bişmək | bişirmək |
| barışmaq | barışdırmaq |
| solmaq | soldurmaq |
| gülmək | güldürmək |
| qopmaq | qoparmaq |
| çıxmaq | çıxarmaq |
| qurumaq | qurutmaq |
| ağarmaq | ağartmaq |
-ıl4, -ın4, -n şəkilçilərinin köməyi ilə bəzi təsirli fellər təsirsiz fellərə çevrilə bilir. Məsələn:
| Təsirli | Təsirsiz |
| yazmaq | yazılmaq |
| açmaq | açılmaq |
| pozmaq | pozulmaq |
| kəsmək | kəsilmək |
| düzmək | düzülmək |
| oxutnaq | oxunmaq |
| dernək | deyiımıək |
| bürümək | bürünmək |
| soymaq | soyulmaq |
| bəzəmək | bəzənmək |
| səpələmək | səpələnmək |
Bu şəkilçilər feldən fel düzəldən leksik şəkilçilər hesab olunur.