Fel şəkillərinin rəvayəti

Fel şəkillərinin rəvayəti felin sadə şəkillərinə imiş hissəciyi əlavə etməklə düzəlir.

İmiş hissəciyi saitlə qurtaran fel şəkillərində ayrı, samitlə qurtaranlarda isə həm ayrı, həm də bitişik yazılır. Мəsələn:

gəlməli imiş, bilə imişsən, görəsi imiş, alırmış, alacaq imiş, almış imiş və s.

İdi hissəciyindən fərqli olaraq imiş hissəciyi öz qısa variantında bəzən şəxs şəkilçilərindən sonra artırıla bilir. Məsələn:

alırmışsan — alırsanmış, gələsi imışsən — gələsisənmiş, bilməli imişik – bilməliyikmiş və s.

İmiş hissəciyi felin əmr şəklinə və şühudi keçmişə artırıla bilmir.

İmiş hissəciyinin qısa -mış⁴ forması ilə nəqli keçmiş zamanın -mış⁴ şəkilçisini qarışdırmaq olmaz. Birinci felin sadə şəkillərinə artırıldığı halda, ikinci bilavasitə felin kökünə və уa başlanğıc formasına artırılır. Məsələn:

Şühudi keçmiş	Fel şəkillərinin rəvayəti
gəlmişəm	gəlirmişəm, gəlirəmmiş
gəlmişik	gəlirmişik, gəlirikmiş
gəlmişsərı	gəlirmişsən, gəlirsənmiş